Maxfiylik siyosati

Qisqacha

Shajara sizning ma’lumotlaringizni yig‘maydi, uzatmaydi va telefoningizdan boshqa hech qayerda saqlamaydi. Ilovada internetga ruxsat yo‘q — u texnik jihatdan hech narsani hech qayerga yubora olmaydi.

Buni o‘zingiz tekshirishingiz mumkin: ilovaning ruxsatlar ro‘yxatida android.permission.INTERNET yo‘q.

Ilova qanday ma’lumot bilan ishlaydi

Quyidagilarning barchasini o‘zingiz kiritasiz va ularning bari qurilmada qoladi:

qarindoshlarning ismlari, tug‘ilgan, nikoh va vafot sanalari hamda joylari;
siz biriktirgan suratlar, videolar va ovozli yozuvlar;
tarjimai hollar va oila hikoyalari;
sozlamalaringiz: til, ko‘rinish, bo‘g‘in nomlari, eslatma parametrlari.

Ma’lumotlar qurilmadagi ilovaning shaxsiy katalogida saqlanadi. Boshqa ilovalar unga kira olmaydi.

Ilova nima qilmaydi

hisob yaratmaydi va ro‘yxatdan o‘tishni talab qilmaydi;
serverlarga ma’lumot yubormaydi — ilovaning serverlari yo‘q;
reklama ko‘rsatmaydi;
hech qanday tahlil va kuzatuv tizimidan foydalanmaydi;
qurilma va reklama identifikatorlarini yig‘maydi;
joylashuvni aniqlamaydi.

Ruxsatlar va ular nima uchun kerak

Ruxsat	Nima uchun
Mikrofon (`RECORD_AUDIO`)	Qarindoshning hikoyasini yozib, uning sahifasiga biriktirish uchun. Yozuv faqat «Ovoz yozish» tugmasi bosilganda boshlanadi va qurilmada saqlanadi.
Kamera va suratlarga kirish	Portret yoki oilaviy surat qo‘shish uchun. Tanlash tizim oynasi orqali bo‘ladi; ilova faqat siz tanlagan faylni oladi.
Bildirishnomalar (`POST_NOTIFICATIONS`)	Tug‘ilgan kun eslatmalari. Qurilmaning o‘zida tayyorlanadi. Odatda o‘chirilgan.
Qayta yuklashdan keyin ishga tushish (`RECEIVE_BOOT_COMPLETED`)	Telefon o‘chib yonganidan keyin rejalashtirilgan eslatmalarni tiklash uchun.

Barcha ruxsatlar ixtiyoriy. Rad etsangiz, tegishli funksiya ishlamaydi, qolgan hammasi ishlashda davom etadi.

Ma’lumot qurilmadan qachon chiqadi

Faqat siz xohlaganingizda va faqat siz ko‘rsatgan joyga:

PDF eksporti (plakat, «Sulola» varaqasi, oila kitobi) — faylni qayerga yuborishni tizim menyusi orqali o‘zingiz tanlaysiz.
.shajara fayli — qarindoshlarga uzatish uchun zaxira nusxa. Siz kiritgan ma’lumotlar va biriktirilgan suratlarni o‘z ichiga oladi.

Faylni messenjer, pochta yoki bulut xizmatiga bergandan keyin unga shu xizmatning qoidalari amal qiladi, bu siyosat emas.

Ma’lumotni o‘chirish

Alohida odam, surat, yozuv yoki hikoya ilovada o‘chiriladi.
«Sozlamalar → Ma’lumotlar → Hamma narsani o‘chirish» butun daraxtni va biriktirilgan fayllarni o‘chiradi.
Ilovani telefondan o‘chirish uning barcha ma’lumotlarini ham o‘chiradi.

Bizda ma’lumotingiz yo‘qligi sababli, o‘chirish so‘rovini yuboradigan joy ham yo‘q — hammasi qurilmangizda bajariladi.

Brauzer versiyasi (shajara.isokov.uz)

Shajara’ning brauzer uchun versiyasi bor. U ilova kabi ishlaydi:

daraxt, suratlar va sozlamalar shu qurilmadagi brauzeringiz ma’lumotlar bazasida (IndexedDB) saqlanadi va serverga yuborilmaydi;
ro‘yxatdan o‘tish, reklama, analitika va cookie yo‘q;
brauzer versiyasida ovoz va video hozircha yozilmaydi va saqlanmaydi;
har qanday sayt kabi xosting so‘rovning IP-manzili va texnik ma’lumotlarini ko‘radi — sahifani yetkazish uchun, kuzatish uchun emas.

Brauzer ma’lumotlarini tozalasangiz yoki saytni inkognito rejimida ochsangiz, daraxt o‘chib ketadi. .shajara faylini muntazam saqlab boring («Chiqarish va ulashish» → «Zaxira nusxa»): uni boshqa brauzerda va Android ilovasida ochish mumkin.

isokov.uz/shajara saytidagi reklama

isokov.uz/shajara sahifalarida (ilova tavsifi va yordam) Google AdSense reklamasi ko‘rsatiladi. Android ilovasining o‘zida va shajara.isokov.uz brauzer versiyasida reklama yo‘q, reklama skriptlari u yerga yuklanmaydi.

Google va uning hamkorlari ushbu va boshqa saytlarga oldingi tashriflaringizni hisobga olgan holda reklama ko‘rsatish uchun cookie fayllaridan foydalanishi mumkin.
Google hamkor saytlarda ma’lumotlardan qanday foydalanadi: policies.google.com/technologies/partner-sites.
Shaxsiylashtirilgan reklamani Google reklama sozlamalarida, boshqa kompaniyalar reklamasini esa aboutads.info saytida o‘chirish mumkin.

Yevropa iqtisodiy hududi, Buyuk Britaniya va Shveytsariyadan kelgan tashrifchilarga Google avval cookie uchun rozilik so‘rovini ko‘rsatadi.

Bolalar

Ilova bolalar uchun maxsus mo‘ljallanmagan va ular haqida ma’lumot yig‘maydi. Nasab daraxtida oilaning yosh a’zolari haqidagi ma’lumot bo‘lishi mumkin — uni o‘zingiz kiritasiz va o‘z qurilmangizda saqlaysiz.

O‘zgarishlar

Agar ilova bu yerda tasvirlanmagan biror ishni qila boshlasa, bu siyosat shu versiya chiqishidan oldin yangilanadi va kuchga kirish sanasi o‘zgaradi.

Aloqa

Ushbu siyosat bo‘yicha savollar: Isokov.Said@yandex.com.